José Ortiz Echagüe (1886–1980), o ingeniero que fundó CASA y SEAT, ye consideráu entre os mejós fotógrafos de o mundo. O treballo suyo trató de os costumbres y vestíus tradicionáls de os lugás, estilo que ha síu clamáu dimpués pictorialismo fotográfico español:
En Aragón, Ansó ye o primé lugá en do estió, allá por 1925-1927. En ixe tiempo prencipiaba treballá en "tipos y trajes", y o que más li chocó retratá fue chen con o traje ansotano caláu. Unos retratos remarcan a faxa que plantan os retratáus, y o caraute muito fuerte tan afamáu de os ansotanos:
José Aznárez, Tío Chorchis, le fició de modelo:
Aquí en una puerta ta que se asoma su mai, "Tía Chorchera":
En ista otra acompañáu por qui parixe sé Mariano Puro:
No faltan as mullés, tanto chovens:
Como viellas:
U otras las retrata filando, yendo ta misa u cutiando en a solana:
En otras chuga con o paño y a peña, con muito arte:
Ye muito nombrada a de "en o atrio de Ansó" (1927), en do unas mullés de saigüelo aparixen posadas en a loncheta a ilesia:
Tamién retrata o tipismo ansotano de casas y carreras:
Y se cala entro as casas pa retratá os quefés de as mullés en a intimidá:
Gracias a iste fotógrafo castellano, podemos asomanos con os güellos de hoy enta un tiempo pasáu que ya no tornará.
Fuens: cer.es, Aragón en o Fondo fotográfico de a Universidá de Navarra. Asunción Domeño.
No hay comentarios:
Publicar un comentario